HEALTHAID Haemovit Plus 30 капсули

Haemovit plus се капсули кои се специјално формулирани да ги овозможат сите неопходни материи за одржување на здрави крвни клетки, а воедно го подобрува и имунитетот.

Анемијата претставува состојба во која има недостаток на железо како и на хемоглобин, односно на здрави црвени крвни клетки. Хемоглобинот е протеин за кој се врзува кислородот и кој преку црвените крвни зрнца се пренесува до сите ткива во организмот.

Најчеста причина која доведува до анемија е недостатокот на железо во организмот а  железото пак, е неопходно за нормалната синтеза на хемоглобинот. При недостаток на хемоглобин, се намалува снабденоста на крвта со кислород, што доведува до развој на хипоксија (глад за кислород) која се манифестира со бројни симптоми и знаци.

Главно анемијата се карактеризира со слабост, малаксаност, бледило, вртоглавици.

Анемијата може да се појави и кај мажи и жени, со тоа што кај жените често може да биде поврзана со менструален циклус или пак со бременост.

При состојба на анемија потребно е да се примени третман со препарати на железо кои ќе ја потпомогнат синтезата на хемоглобин и ќе ги наполнат резервите за железо во организмот.